يا كلبي اشتاكيت؟؟؟؟؟؟؟؟؟

يا كلبي اشتاكيت ؟


ولك ها يا كلب جنك اله اشتاكيت

مليت اني منه وانته ما مليت ؟

@@@

ميحبم يكلبي شبيك افهم عاد

نساك الي تحبه وانته ابد منسيت

@@@

ميفكر بعد ميهمه حالك هاذ

ولا تنزل ابد دمعاته مهما ابجيت

@@@

لا تهتم يكلبي وانسه حبه ارجوك

قابل انت كلبه ومني تبريت ؟!

@@@

اعرفك ذايب وخلصان ميت شوك

اي بس كابر بعد اعرف ولك حنيت

@@@

اريدك مثلي متبين حزن عيناك

مو هذا اني يمك والله هم عانيت

@@@

ما اذكر جبرتك كافي هذا النوح

انت الجازفت بالحب تره وحبيت


@@@

اتحمل نتيجة تعبك المافاد

وحدك انت وحدك بالجرح ضليت

@@@

لا تترجه منه يحبك ويهواك

عافك وحدك وماقدرك من جيت

@@@

انسه الصار بيك وخلي اني ارتاح

يا كلبي تعبت منك تره وجنيت

@@@

اموتك حته اخلص لو اموت شلون ؟

اي مو من البجي بدموعي وك غصيت

@@@

اغني وجني ماشايل هموم الكون

ليش تصير ضدي وبس حزن غنيت

@@@

سويتك صدك شاعر تحبه الناس

ردتك تنسه بس شو كلشي ماسويت

@@@

ضليت بحنانك وبمحبتك ذيج

بعدك بالحلم عايش فلا فزيت

@@@

بعتني وانته كلبي وصرت مثله انوب

تفكر بل نساك وعني تخليت ؟