الى من سكن روحي

رادوني اعوفك كلت لا هيهات
شلون ايصير واحد يغدر بحبه
انت ويه الوريد وتسري ويه الروح
مو انسان عادي ورايد انجربه
صرت اسلاح بيدك والعدو مرعوب
وانت اسلاح اليه وراس للحربه
لايهمك كلام الناس واليحجون
خلها الناس تحجي ابعاد والكربه
يرودونه انتفارك والطلب مرفوض
امن مااعوفك والنبي وربه
مجنونه الخلك يردوني انه انساك
مايدرون كلبي ينبض بكلبه
مو عيب اليحب لامو حرام الشوك
بس عيب وخزي لليوكف بدربه
كالولي ابتعد دربك تره مسدود
بسلاك وحواجز والطرق صعبه
كلت اعبر وجازف واليصير يصير
اخسر دنيتي ومااخسر الصحبه
اني معاشر وفي ماعاشرت بذات
ذاك الينسحب من تخلص الرغبه
هوه عيونه يمي وروحي عنده تبات
واذا نتلاكه نشهك نار ملتهبه
واحس كلبي ويه كلبه بجسد واحد صار
نتنفس حنان وشوك ومحبه
اصير اني انتحاري على اليسد ابواب
احضرله القنابل واترس الجعبه

ألف شكراً حياتي على مجهودك الجميل
تحياتي لك

عاشت الايادي حب

تحياتي الك ياوردة

مشكور حبي عل مرور الجميل