!! دموع الورد !!

ذبل عود الورد واصفر خضار الروح
ويبس ريج السواجي بحضرت البستان

و وكع كحل الفراشه وصبغ وجه العيد
جيف من الصبح ماغرد الفتان

ياحسرة عمر خلص حرث بالكاع
وبوكت الحصاد وشو طلع خسران

صرت فزاعه خاطر مايحط الطير
ماحط طير لاكن حطت الغربان

ليش وياعذر يكدر يصبر الروح
وانه الضليت صافن عالتعب حيران

طحت اعله الورد بيت وهدمني الماي
مامات الورد بس ماتت الحيطان

فرح من شاف حالي وعيد الرسام
وجاب وياة اللوحه وحضر الالوان

لكه بروحي مناضر بيهه ياخذ صيت
واكبال الورق لن عاجز الفنان

ياغيمه يسوده دثي كطره شبيج
يبس حلك الحديقه والنهر عطشان

اوزع طيب طبعي وما احصل طيب
وعلي ضربو مثل بالنخله والجوعان

صرخ بستان روحي بحركه لمن شاف
بجفوف العشك صار الورد خجلان

مو زحمه انفعل وازعل واصب دموع
واني اجمل هديه لخاطر الزعلان

مثل حبه الهيل بطبعي من اغتاض
انوح اجمل عطر لو عض اديه انسان

عاشت الايادي حبي حمودي

تحياتي الك

عاشت الأيادي وردة
مبدع دائماً
تحياتي

» لماذا يكره الرجل دموع المرأة؟؟