نسوان قبل افظل من بنات الثمانينات والتسعينات

السلام عليكم

نشرت دراسه من مركز متخصص بالدراسات انه نسوان الجيل القديم نسوان
قبل افظل من حيث الشكل والمضمون من بنات هذا الوكت الثمانينات والتسعينات
وهذا مركز معروف ومتخصص بالتنظيف الوقعي للموكيت والزوالي حيث اوضح التالي

نسوان قبل احلى بكثير من بنات هاي الايام يعني البشره ناصعه بيضاء مو مثل بنات
هذا الوكت عبالك فتيله محروكه مال جوله امصخمات امجولحات


نسوان قبل تمتاز بالقوه حيث شاركت بثورة العشرين ولزمت الفاله والمكوار وطلعت اتقاتل
ومن مالكت احد بالشارع رجعت للبيت ركعت رجلها مكوار فلشته بالكاع بينما بنات هذا
الوكت من الصرصر يخترعن يعني جبانات والا لا نامت عيون الجبناء شلون تنام والكهرباء
مطفي بالعراق

نسوان قبل حبولات يجيبن عشرين جاهل ثلاثين جاهل ولا يتعبن خو اثناء الوضع
وهي اتجيب تسئل زوجها شتريد باجر باميه لو باذنجان ماتهتم عدها قوه مو مثل
بنات هذا الوكت اتجيب لو واحد لو اثنين بالثالث تصير فطيسه وكل هذا الجيل
تجيب ولاده قيصريه الطبيب يسئل على مواليدها اذا ثمانينيات يكول فشكو بطنها


نسوان قبل عدهم مقدره عجيبه على النيو لوك يوميه شكل يوميه جمال
شكل مو مثل بنات هذا الوكت مثل ماهي اذا هي بومه تبقى للتالي بومه
اذا هي هايشه تبقى هايشه واذا اتغيرت شويه صارت صخله شنو هاي
شويه ترتيب احمر واخضر سويه تناسق بالالوان مو كله لون رصاصي


وكذلك اوضحت الدراسه انه مشرفات المنتديات مال نسوان قبل افظل من مشرفات
بنات هذا الوكت من ناحية الحذف والتثبيت والمسح والكنس وكذلك الاسماء الحركيه
مال نسوان قبل اسماء الها هيبه مثل الفاتنه او الواثقه او الساطعه مو مثل ينات
هذا الوكت سلسبيل لو ديار لو كوثر لو فولدامورت خو هاي سحاله حي على الصلاه
لو دلوعه المنتدى يعني اسامي مايعه مابيه شجاعه المراه مال قبل


وفي العدد القادم ننشر دراسه شباب هذا الوكت افظل من رياجيل زمان



تــــــــ ح ــــــــــياتي