نصائح للحوامل العراقيات

السلام عليكم اختي الحامل

اقصد بالحامل هي التي في بطنها جنين وليست حامل مشاعر الحب والموده الى حمودي


طبعا الحامل لازم تتلتزم بنصائح مهمه حتى تحافظ على جنينها العراقي لانه الوطن
محتاج الى ضحايا يعني هسه حرب اهليه وعدنه بعد حرب شيعيه شيعيه وحرب سنيه
سنيه وان شاء الله الموسم القادم حرب كونيه العراق والمريخ


اختي الحامل وخاصتنا اول مره يعني البكريه اولا مبروك عليج الحمل وان شاء الله
ولاده سهله بجاه كلهم حتى مانفرق بجاه كلهم شلون راح تعرفين انتي حامل راح يصير
عندج تقئ عوع لعبت نفسي وراح تشتهين كشور ركي او جكاير لف تتن حار وراح تروحين
للطبيب يسوي تحليل ياخذ منج اربع سطل من البول ويحلل راح يعرف انتي حامل او في الدول
المتقدمه اكو بالصيديليات شريط اختبار بالدول المتاخره اكو شريط اخبار سبتايتل


بعد ماتعرفين انتي حامل زوجك راح يشيل خشمه بالعشيره ويمشي مثل الاسد بالعشيره
مفتخرا بس عوزه يصيح قتلتوا رستم ورب الكعبه قتلتوا رستم ورب الكعبه


المهم لازم تتلزمين بالنصائح

1- صعبه تفتهميها نعوفها

2- الرياضه مهمه للحامل واقصد الرياضه الخفيفه يعني ملاكمه تايكوندوا او
القفز على الزانه بس مو تقفزين عالي جدا لانه بالعالي اخاف يضربج الهوه البارد
والجنين يصير بيه نشله ويكوم يكح ابطنج والناس عبالهم غير شي


3- نسيتها عودك من اذكرها


4- اتقللين من قرايات النسوان اذا انتي شيعيه لانه اللطم يؤدي الى انزلاق الجنين
واذا كنتي سنيه اتقللين من الدروشه لانه هذا يؤدي الى اخبال الجنين تروحين للقرايه
مال النسوان فقط كعدي احجي على النسوان واخذي غيبتهن وشربي الجاي وطلعي
لا تتاخرين اخاف زوجك يركعج بالنعال مما يؤدي الى انه الجنين يطلع من اطفال الخدج


5- مالها داعي انعوفها هسه


6- بالنسبه للزيارات لا تروحين لا زياره شعبانيه ولا اي زياره لانه احتمال
العناصر من بقايا البعث المنحل المندس بين صفوف جيش المهدي يسون
عمليات تخريبيه مثل ماورد على وكالة انباء نور الهدى وكالة خرط مرط
تكول انه عناصر البعث هي مندسه بالجيش مال المهدي بقيادة القائد مقتدى
الصدر حفظه الله ورعاه احنا بالعراق كل قائد لازم نكول حفظه الله ورعاه
اذن لا تروحين اي زياره وانتي حامل اخاف ابنج يطلع من بطنج وبالنعال
يكطع بقايا البعث المندس بصفوف جيش المهدي


7- يكولون ما متاكد منها انعوفها هسه



8- بالاشهر الاخيره شغلات الشموع الحمراء والملابس النار والاجواء
الرومانسيه تنسيها كعدي راحه اصبري وره ماتجيبين بالسلامه وتكومين
من اشهر النفاس عودك علكي الشموع الحمراء والملابس المغريه الي يسمعج
يكول مزوجه توم كروز من عابتلج وعابتله امداج وامداه صخونه انشاء الله
اتجيبين بس بنات وتصيرين ام البنات شايله الهم للممات عابت



9- بعد ماكو نصائح ادري انتي حامل بجنين لو ثور لو هايشه هو جنين شكد تريدين
نصائح اها كافي ماشبعتي نصائح بس اوكفي نسيت بالحمل مل امريه حامل يصعد
عدها مستوى السكر والسكري اذن خففي من المأكولات الحلوه السكر صاعد تلقائيا
لا تاكلين حلويات من عابتلج

تــــــــ ح ــــــياتي