مصريه وبحرينيه وعراقيه ولبنانيه

هذا موضوع في العدل والانصاف تخيل نفسك مزوج اربع من ناقصات العقل والدين وطبعا انت انقص منهن
لانه مزوج اربعه يعني انت تعادل اربعه من الرجال الاغبياء وليس فقط هذا انما انت من الحقراء ياحقير ولك
اربعه نسوان واني كاتل نفسي على وحده وماكو اي وحده اتقدملها تطلع امها عايشه وبعدها شباب امها وتلعب حديد


المهم اني راح اتخيل نفسي مزوج اربع نسوان وحده مصريه والثانيه بحرينيه والثالثه لبنانيه والرابعه اللهم سترك عراقيه
وراح اسوي قسمه بالعدل بيناتهم لانه لازم اعدل يعني اويلي شكد راح احتاج فيتامينات وبروتينات وطاقه طاقه الله يكون بالعون
شسوي لازم اوحد العرب في المغرب والخليج والشام والعراق طبعا العراق يرادله شغل اوفر تايم لانه لازم اوحد شعبه وبعدين
اوحده مع العرب

ناخذ قياس الشهر الواحد الذي يساوي 30 يوم

نص 30 يساوي 15 يوم

اذن اول 15 اكظيه يم اللبنانيه لانه هي تكول تئبرني ياعيني ومن تكول تئبرني كل العشيره تحسدني
مو مثل العراقيه تكلي احس خاصرتي توجعني لو كلبي مدري شبيه يمكن خفقان لو تكلي صدري متنك
وشبيه متنك خليه يتنك ماكو احلى من المتنك وليش امتنك قابل احنا كلنه جمد مليشيات جيش المهدي
الصدر متنك والحكيم متنك والفظيله امتنك وهذا الجديد احمد الحسني هم متنك بس لا يتنك على المهدي
من يجتمع وياه مثل مايكول اجتماعات هههههههههه خوش فلم صاروا الشيعه


المهم بقه 15 يوم من الشهر

نص 15 يساوي 7.5

هاي ال 7.5 اضيفه على ال 15 مال اللبنانيه ويصير المجموع 22.5
لانه اللبنانيه من افوت للبيت تكلي شو هل الطله حبيبي واني من اسمع
الطله البراغي ماجسمي كلها تفتح واصير شربت مو مثل العراقيه من افوت
للبيت تكلي من وره خشمها اها اجيت شجابك ايد وره وايد كدام ماجبتلي وياك
توت بري ديالله تريد توت بري الخايبه خلي ناكل عنجاص اولا وبعدين التوت البري


يبقه 7.5 من الشهر

نصف 7.5 يساوي 3.75

اذن اضيف 3.75 على ال 22.5 مال اللبنانيه ويصبح المجموع مال ايام اللبنانيه 26.25 يوم
اضيفه الى اللبنانيه لانه اللبنانيه من تحجي عبالك اتغني مو حجي كله بازن الله ومهيك عنجد كتير كيتر
واللبنانيه من اتريع التريوعه مالتها تطلع تررا تررا مو مثل العراقيه من اتريع اتررررع اترررررع
هاي الصبح بعدها ما اتريكت وره ماتتريك تكوم اتريع والجام ينفطر


المهم الي بقه 3.75 من ايام الشهر
نصف 3.75 يساوي 1.875 يوم
انظيفه على ايام اللبنيانيه يصبح المجموع يساوي 28.125 يوم
لانه اللبنانيه من اتمرض اني تنام مستشفى ابدالي بينما العراقيه من اتمرض تكلي حيل وياك كل الي جره منيدك حيل وياك خلي وزير الصحه يفيدك


المهم بقه 1.875 من الشهر
نصفه يساوي 0.9373
هم اضيفه على اللبنانيه ويصير 29.0623
لانه بكيفي


راح يبقه من الشهر 0.9373
نصفه يساوي0.46875

وهذا الرقم 0.46875 انقسمه على 3 يساوي 0.15625 يوم لكل من المصريه والبحرينيه والعراقيه

يادوب يكفي اروح على المصريه اركعها راشدي
ويادوب يكفي اروح للبحرينيه اركعها راشديات اثنين


اما العراقيه

الباقي من السنه 11 شهر لانه شهر راح على الاربعه قسمته اذن 11 شهر و 0.15625 يوم راح اكظيه
وي العراقيه لانه يادوب يكفي اشبع من سمارها وعيونها وشعرها وضحكتها ولسانها واللهفه الها وعليه


تعالي نرسم على الجدران
قلبين لا يفترقان مهما كان
مني الفرات ومنك دجله
انا العين وانتي الكحله
ادعوا الله في المحنه
ان تكوني لي انتي القسمه
وارى وجهك كأني ارى القبله
رغم التعب لا يزال جمالها نعمه
من العراق تلك الزوجه