المصباح السحري العراقي

الكل يعرف المصباح السحري هو من الاساطير العراقيه وقصص
الف ليله وليله وتعرفون علاء الدين هذا عراقي من عشيرة زوبع

لو عثرت على هذا المصباح السحري العراقي راح تفركه يطلع
المارد منه بطرك الفانيله وبيده مهفه وجاي يهفي لانه ماكو
كهرباء والحر سامط جد جده

طبعا المارد قبل من يطلع يكول شبيك لبيك عبدك بين ايدك هسه من تفركه
مايطلع تسمع صوت من جوه المصباح يكول انت سني لو شيعي فاذا كنت
شيعي راح يطلع يكلك شبيك لبيك حزب الائتلاف بين ايدك واذا انت سني
يطلع يكلك شبيك لبيك عشاير صحوة الانبار بين ايدك واذا مسيحي يكلك
تعال باجر لانه المسيحين هسه بالعراق مالهم صوت واذا انت بالبرلمان
العراقي يطلع يتفل بوجهك ويرجع واذا انتي ابنيه راح يطلع يغمزلج
ويرجع واذا انت عضو بمنتدى راح يطلع يركعك براشدي ويرجع

وره مايعرف هويتك يطلع راسه بس راسه يباوع يسره يمنه اخاف اكو سياره
واكفه وتطلع مفخخه لانه المارد العراقي هسه بيه خرعه وره مايطلع راسه
ويشوفها امان يطلع جسمه كله ويكلك شبيك لبيك عبدك بين ايديك مارد
وافتخر والي ماعاجبه خلي الحكومه تفيده

طبعا العراقي شنو يطلب من المارد يكله اريد اتزوج عراقيه عايشه بره
وعدها جنسيه اتزوجها وتسحبني عاد المارد يجاوبه هنيال امك اي والله
بابا اني مارد عراقي منو ينطيني فيزه حتى اطلع بره واشوفلك عراقيه من الخارج
صدك بطران وماتستحي على دمك مثل ماتكول المارده سلسبيل

او العراقي يكله اريد مولد عاد المارد يجاوبه هنيال امك بعد روح امك ولك
ماتشوفني اني مارد بطرك الفانيله وجاي اهفي وانت تريد مني مولده

عاد العراقي يكله للمارد لعد ابن الزفره شنو تكدر تسويلي عاد يكول
المارد اكدر امسحلك الهول مالتكم اكنس الطارمه مالتكم اخيط بجايم
لخوتك الصغار اسوي احف وجناتك او حواجبك او اخيط البردات
مال غرفة الخطار واذا تريد اترس الك البريج وانت بالتواليت من تعوز
ماي هذا الي اكدر عليه

والان اذا عندك مصباح سحري وفركته وطلع الك المارد شنو تطلب منه
يسويلك

اني اطلب منه شكو ابنيه بالعراق يصير بيها فالول

خخخخخخخخخخخخخخخ حلوة والله
عاشت أيدك حمودي

ماأعرف شطلب بس توقيعك ذكرني بمسلسل صبايا
ولهذا حطلب تجي يمي ليلى تؤبش ألبي وميديا تؤبر ألبي
يعيشون يمي للأبد ههههههه

تحياتي

» ترجمة مصطلحات باب الحارة الى العراقي
» صور حصرية للمذيع العراقي الواعد ((علي الخالدي))
» الشعب العراقي اكثر الشعوب رومانسيه...
» قصيدة (المعطف) لكريم العراقي التي تروي قصة حقيقية
» قصيدة للشاعر كريم العراقي (ماذا ستفعل في غيابي )