غدا الاحد ... اول ايام العيد السعيد

السلام عليكم

غدا الاحد المصادف باجر الفجر اول ايام العيد ان شاء الله وسوف يكون

ثاني يوم العيد هو اليوم التالي من اول ايام العيد ولهذا نرجوا اعلام الاعضاء

انه ثالث ايام العيد سوف يكون بعد اليوم الثاني ان شاء الله وانه العيد لهذه

السنه المصادفه لهاي السنه سوف يكون ثلاث ايام متتاليه

اليوم ليلة العيد ان شاء الله نرجوا من الاعضاء الي راح يغسلون الليله ان لا ينسوا

غلق باب الحمام عند الاغتسال وعدم استخدام صابونه الحصه التمونيه اثناء الفرك

بالليفه حتى لا تصير عندك حساسيه

اما بخصوص الاعضاء المتزوجين نرجوا عدم ان تنسون بوسة ليلة العيد لزوجاتكم

ويفضل ان تكون قبل الساعه الحاديه عشر ليلا اي تقريبا بين العاشره ليلا والعاشره

والنصف وان تكون بوسه رومانسيه وليس ورائيه خمشيه اي من وره خشمك عبالك

جاي تبوس كصة بيبتك لا انما تكون بوسه متروسه مشاعر جياشه ولهيب عواطف

ملتهبه ومعجونه باحاسيس متفجره ومتبله بخبطة حنان وعليها شويه بهارات تطلع

خبز عروك على طول يعني الخلاصه طكها ابوسه بشفتها وخلص من شرها وداعتك

حتى العيد يصير اوكي عندك وماتنعوص مرتك

بخصوص صباح العيد لازم كيمر ودبس يفضل اليوم تشتريه العصر واضمه لباجر

الصبح بس لا اضمه بالثلاجه اخاف الجهال كل واحد لحسه لحسه يخلص واخاف

حماتك وياك بالبيت على شفطه شفطه يخلص ضمه بالكنتور ومن يصير الصبح

تتريكون منه وي الدبس ولازم الصمون وطبعا الجاي

واي معلومات سوف توصل النه سوف نقوم بنشرها بخصوص اجواء وتقاليد

العيد

وكل عام والعراق بخير

[b] ههههههههههههههههههههههههههههه لوولز
وربي ضحكتني حلوووو ,,,اكيد الان اكثرهم ديغسلووون
المهم يسلموو ع الموضوع الجميــل [/b]

هههههههههههههههه
عاشت أيدك حياتي حمودي أبداع مستمر
وكل عام وكل الحلوين ب1000 خير
تحياتي

» مسجات للعيد الفطر السعيد
» شعر على ايام الدراسة
» واحد يغازل وحدة ايام الامتحانات
» كل عام وأنت حبيبتي كلملة بمناسبة العيد
» مي سليم تبكي في مارينا وتطرح ألبومها في العيد