اجيتك مستحي

موضوع: اجيتك مستحي السبت سبتمبر 19, 2009 1:46 am

اجيتك مستحي وبالكَوه ادكَ الباب

وعلى الخدين سالت دمعه مفضوحه

وصلت الباب دارك واعثرت بالباب

من كَد ما تعبتني الجيه والروحه

غريب وعندي هوايه صعبه طبه الدار

وكَبل جانت بس الي مسموحه

بچيت وصحت بسمك من وره الحيطان

بكَلب مكسور يشبه كسرها اللوحه

حبيبي بداعتي مر عالكَلب خطار

وبسچين عينك مزق اجروحه

العالم تذبح الدمعه بضريح أمام

وانه بحضرتج دمعاتي مذبوحه

انه الچنت اجيك ابضحكه من ابعيد

اجيت بطركَ دمعه وروحي مجروحه

اجيتك واعتذر واعتب عليك هواي

واريد ارجع البيتي واذنوبي ممسوحه

حبيبي بعيني اشوفك جاهل أصغيرون

تمرجح واني كَلبي اصير مرجوحه

حبيبي معاهد وحلف كلام الله

أليخونك حبيبي أيقشمر بروحه

أليخونك حبيبي أيقشمر بروحه

تــــــــ ح ــــــــياتي