(( ما اكلك كـــــــــرهتك ))

ما اكَلك كرهتك بس كَدرت انساك !!

لتحاول بعد وتريد تغريني ،،
:
كسرت قيود شوكَك هسة حر مرتاح ،،

الي دستور وحدي وبي قوانيني ~

قانوني بعد ما انطي كَلبي بساع ،،

اهي غلطة وعشتها وضاعت سنيني!

جنت شجرة واظلل حتى ع الحطاب ~

وآني اعرف بنيتة يريد يمحيني ،،

جنت طيب كَلب حتى وية ارده الناس!!

وطلعت طيبتي وية الناس تاذيني ،

صدكت الحجولك..؟! ها.. سمعنا فلان ،

وآني بعيني أشوف وجذبت عيني !!

شكَد طيب جنت بس اتضح غلطان!!

جنت كلش مغفل بيك ثاريني ،

مااكَلك اكرهك لا ابد والله ،

ولاتضن يوم اكرهك وانت تدريني ،،

جرحك اشكرة فززني من الموت !..

وبس بهاي اكَلك انت راضيني..