رياضه للنساء تزيل الكرش من البطن

من مقايس الجمال هو عدم وجود كرش بالله الرجل قد يكون مقبول نوعا ما
بس للنساء من عمت عيني اي والله هوه وهابت وصخونه مربيه كرش وانتي
بعدج بنوته او امراءه في ربيع العمر


هناك منحفات وحبوب ونظام رجيم كلها كلاوات مثل حكومة الوحده الوطنيه كلها
كلاوات ماتفيد اهم شئ الرياضه وممارسة الرياضه لانه الرياضه هي التي تحرق
الشحوم يعني اذا انتي تعلفين خمس صمونات باليوم من تلعبين الرياضه الي راح
اشرحها الخمس صمونات تصير عبالك ماكله كعم صمونه


الرياضه وحدج تلعبيها احتمال يصير ملل بينما اذا وياج كطيع من النسوان
راح يصير حماس وماتحسون بالوقت يعني فلاته احجي على مرا لبتها وفلانه
تحجي على ليلى عرسها مابعد الزفه طبعا مو الحفله بالقاعه وقلانه تحجي
على جنتها يعني ماتحسون بالوقت لانه الحجي ينسكم الاحساس بالوقت بالاظافه
النسوان ماعدهم احساس بالاساس



الرياضه هاي ماتحتاجين تراكسوت لا حذاء رياضه كلشي ماتحتاجين بس وصله بازه
لو اي قماش بس مو شفاف مايفيد



الرياضه هي




السومو نهم انها رياضة السومو





الي تسويه سيديتي اتلبسين مثله بالظبط مثا هذا بالصوره طبعا هذا بالصوره الله يستر
بس لا يروح يضرب صاروخ يفلش الدنيا يمكن يمه هذا لو يشتغل بالمقاومه الشريفه
يسوي خوش شغل واذا يشتغل بالمقاومه الساقطه مايحتاج حزام ناسف هو مفخخ من كاعه


الرياضه مضمونه النتائج البارحه ام سعدون اجتي يمي كتلها يالله ام سعدون رياضه والحركه بركه
يالله لبسي مثله بالضبط كالت بالظبط كتلها كلش بالضبط وهي كولش فطيره وتضحك للهوه الطاير فدوه اله
فد حبابه وسهله ام سعدون جان تضحك وتكول حمودي هذا بالصوره يذكرني بالتواليت من اتمرن حط يمي ابريج
اخاف ياخذني الواهس وانسه وتضخك الفطيره شكد حبابه راحت ورجعت كالت حمودي ما اريد لا ما اريد كتلها
ليش شنو كالت الوصله ساده اريدها مشجر وجان تضحك شكد فطيره يالله تضحك للهوه الطاير


ولبست ام سعدون واجتي كالت شلوني كتلها بالطبق مثل ابو الصوره وكعدنه نتظر ام فاظل وهي كولش معقده
يعني كدام زوجها تكعد لابسه جبه وبوشيه وحجاب وعازل هماتين اجتي راويناها الصوره جان تكوم تلطم
كتلها لعد ظلي بالكرش مالتج وماتصيرين ممشوقة القوام جان تصفن وتكول ميخالف بس اريد الوصله قماش
فسفوري الموده هسه اللون الفسفوري كتلها اوكي وراحت بدلت واجتي وطلعت نفس الي بالصوره لابسا وشكلا


وكعدنه نتظر ام زاير اجتي خو هاي عدها الحاسه السادسه اجتي لابسه زجاهزه لبس مال السومو كتلها
شنو بالشارع تمشين هيج كالت اي شنو مو ديمقراطيه وشفافيه صار العراق بعد شنو بس سد الباب الجماهير
العريضه اجتي ورايه تهتف جيب الكاس جيبه جيب الكاس جيبه


وكعدن ثلاثتهن مثل هاي الصوره







يوميه خمس ساعات يصفن مثل هذا بالصوره يروح الكرش بعون الله ماطول نيتهن صافيه يروح


السيده الي ماتحب هاي الرياضه تكدر تمارس رياضة التزحلق على الزباله
او الغوص الفني بالبلوعه او سباق الف متر على النفط