$$ شكد صاير حلو $$

شكد صاير انته حلو
يمكن كبل متصير
يمكن كبل هالوكت
من جان نوح اصغير
نكعك رب العرش
وية يوسف ابفد بيـــر
اشفاف عندك رطب
ضحكتك ضحكت طير

خصرك رشاقة حبل
والشاف طولك داخ
وجم اوف منــي خذت
وحسرة ومسية واخخ
مثلك اريدن الــي
لو يسحبولــي استنساخ

مشمش عسل مستوي
محرم علة اشفافي
الثلج يمطر برد
وانته ثلج دافي
وبكلبي الكاك الصبح
متوسد وغافي
دمعك ولا كل دمع
مثل الندى صافي

عونة اليضوكك ولو
ضوكتك ورطة وشكر
فراكك قهر عالكلب
وشوفتك اكبر قهر
طفيني جاي احترك
معقولة كلبك صخر

هم عود عندك عين
والنسوان عدها عيون
جف الكمر كملك
ومن نورة حطلك لون
من تموج شفتك
يتموج كل الكون
ادري انته مو حصتي
وياك تالـــي اشلــــــــــــــون