CooL GuyS
السلام عليك
حبيبي الزائر / حبيبتي الزائرة يرجى تسجيل الدخول أذا كنت عضو كوول معانا
أو التسجيل أذا كنت ترغب بالأنضمام الى أسرة كووول كايز
أدارة المنتدى
CooL GuyS

منتديات كوووووول كايز ...منتدى الشباب والصبايا الكوووول وبس... الشباب والصبايا الكلاسك
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 حــــــــــــفلة السبعه

اذهب الى الأسفل 
كاتب الموضوعرسالة
BiGBrOtHeR
عضو ذهبي
عضو ذهبي


عدد المساهمات : 401
تاريخ التسجيل : 21/07/2009
الموقع : في قلب حبيبتي

مُساهمةموضوع: حــــــــــــفلة السبعه   الأربعاء سبتمبر 30, 2009 8:10 pm

حفلة السبعه



من تقاليد الزواج بعد الزفه من ياخذون العروسه والطرن الي وياها الي هو زوجها


الى الفندق من يؤصلون للفندق راح يروحون الى الاستعلامات مال الفندق حتى ياخذون


المفاتيج مال غرفتهم وره ماياخذون المفاتيح راح يروحو الى المصعد حتى يصعدهم


ومن يوصلون للمصعد اكو دكمه من ادوسها ينفتح الباب وراه ماينفتح يفوتون الى داخل


المصعد وهم اكو دكمه يدوس عليها راح ينسد الباب وراها يصعد وكل مايصعد المصعد


نبظات الزوجه خطيه يرتفع النبض مالتها مو خوفا من الاماكن العاليه لا منين ياحسره


خايفه من زوجها لا يطلع ناسي رقم غرفتهم بالنفدق اي لا يروح بالك بعيد اني مؤدب






وره يوم زواجهم يحسبون 7 ايام باليوم السابع ام العروسه عليها تكاليف حفلة سبعة


بتها لانه مكيفه بتها سبعة ايام غاطه بالعسل وهاي الحفله فقط للنسوان مايحضرون


بيها الرجال بس يكدرون من وره السياج يتفرجون او يلبسون تنوره ويفوتون للحفله






ليش اسمها حفلة السبعه سؤال يطرح نفسه ويتمرغل بالكاع لانه باليوم السابع


ولانه العروسه لازم تلبس سبع بدلات كل بدله تلبسها ساعه طبعا اني ضد هذه


الحفله لانه المعازيم سرسريه مايستحون يجون بس يسون نميمه يعني العروسه


من تلبس الثوب الاول وتجي المعازيم يتهامسون بيناتهم ويكول ياع طالعه جنها


قندره شني هاي البدله جنها ملابس مال نائب ضابط بالجيش لو شوفي مشيتها


جنها مشيت بعير محطم الفؤاد لو من تكعد العروسه في مكانه ياع شوفوها


جنها بومه يعني يزربون بالعروسه اسف في هاي الكلمه لانه صرت عصبي


واني من اصير عصبي اصير ارعن خشمي يابس طبعا هاي النميمه حتى ممثل


الامم المتحده الكوري بان كي الي اجه الى العراق استنكرها قبل ماتصير الضربه


واخترع المسكين ويمه المالكي يكله لا ماكو شئ هاي المولده طكت يمكن


صار لود عليها منو شغل الفريزر والثلاجه طفوها مو يسوي شورت بالكهرباء


واطك المولده عاد خطيه بان كي مون كال يمعودين طفوا المجمده




اذكر ام سعدون السبعه مالتها اله يذكرها بالخير هسه هي مخبله خطيه وره ما تم الغاء


قانون اجتثاث البعث لانه جانت تكرها زوجها جان بعثي صدامي حقير يكتب عليها


تقارير حزبيه مصوره بشهر عسلهم ويدزها الى عزة الدوري يتفرج اذكر سبعتها


اول بدله لبستها الدريس مال منتخب البرازيل طلعت اتخبل اتجنن وراها لبست نعال


ابو الاصبع وبس اي وبس وكلشي ماكو بس لابسه نعال ابو الاصبع كما مولاي خلقتني


تكول حتى النساوين لا يقلدون على بدلتها




هسه اذا اكو وحده تذكر حفلة سبعتها وشنو مراسيمها وين فصلت البدلات


وشنو الالوان وبالنسبه للقندره الي لبستها من يا محل بالضبط وعاملت ابو المحل


لو اشترتها بدون ان تنزل من سعرها وياريت بالحفله من مشطت شعرها المشط وين حطته


ابمكانه لو شمرته وين ماجان

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
abbas_alsaher
مدير الموقع
مدير الموقع
avatar

عدد المساهمات : 377
تاريخ التسجيل : 18/07/2009
العمر : 27
الموقع : مدينة الأحزان

مُساهمةموضوع: رد: حــــــــــــفلة السبعه   الخميس أكتوبر 01, 2009 5:08 pm

ههههههههه
عاشت أيدك حمودي
تحياتي

_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://coolguys.ahladalil.com
 
حــــــــــــفلة السبعه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
CooL GuyS :: القسم الترفيهي :: منتزه الحدائق للتحشيش-
انتقل الى: