غريب في مدينتي ((مذكرات رجل مغترب)) ..

السلام عليكم

مذكراتي 1

الاسبوع الاول في بريطانيا

وصلت الى لندن بعده سفره طويله من فرنسا تهريب وحين وصلت الى لندن اباوع على اليمنه
اشو ماكو ضباب اباوع على اليسره هم ماكو ضباب كلت شنو هاي مو لندن مدينه الضباب
اخاف اني بالكوت وهذا المهرب ناصب علينه تالي سئلت احد الناس بالشارع كتله بروح جدك
بالانكبيزي ان يور كراند فاذر سول هاي لندن كال نعم والعباس بالانكليزي يس اند هباس
كتله لعد وين الضباب كال مو احنا بالصيف كتله ياصيف اشو لابس قمصله اني كال اي مو انت
سويج كتله لا اني عراقي وافتخر

مشيت ادور على فندق رخيص واني امشي شفت اثنين ابنيه وياها ولد جاي يتباوسون
بالشارع ليش اكو واحد يباوع عليهم بس اني نصبت خيمه كدامهم والحقير يبوسها
بطريقه ماشايفها بالزوراء بالعراق بالعراق عبالك يبوس حبوبته من ترجع من الحج
بس هنا لا كلت هذوله بالشارع هيج لعد من يرجعون الى بيتهم شنو يسون

ظليت كاعد اتفرج كلت هسه يخلص واروح بس الحقير طول واني ما اكدر اعوفهم
كلت اخاف تتطور الشغله ويفوتني الفلم حتى اشتريت شاميه وبيبسي وكعدت اتفرج
هسه لا هاي بنت العشاير تكله كافي حلكي تعب ولا هذاك ابن الزفره يكول كافي

عاد اني ما استحملت رحت عليهم كتلهم يامعودين تره ابو ابونه انسمط كافي
شنو جلبت لو ماجلبت كافي اريد اروح ولا عبالك ولا عبرني اني شعرت بالاسف
ليش لابسني هذا اخاف يعرفني

وصلت الى الفندق الرخيص كتله اريد سرير مو غرفه كال ابو السبرنغات لو او السفنج
كتله ارخص واحد كال ابو البلوكات وفوكاها زوليه كتله شيل الزوليه وخلي البلوكات
وسوي تخفيض رحت الى الغرفه لكيت عشره بيها وكلهم سود هله نايجيريا ومن الغابون
ومن غانه وكلهم نازعين الفوانيل وكل واحد حلكه مدرعه عسكريه هاي شلون شغله
انام وياهم هذوله كلت لا يسلم الشرف الرفيع اذا نمت هنا رجعت لابو الفندق كتله ماكو
سرير بالسطح مال الفندق كال ماعدنه سطح كله قرميط

هسه اني رجعت للغرفه كلت بلكت يطلعون من البصره بصاروه سود سئلت واحد كتله
تعرف فرقه ام علي البصراويه هي وهاي وهيه ها ها هو وهاي وهو هو اليوم اجانه
الضيف بس ماعرف هاي الاغنيه مال الفرقه البصراويه عاد اني سلمت امري الى الله
وخليت راسي على المخده على اليمنه من غانا وعلى اليسره من كينيا وبالنص العراقي
وافتخر لك يافخر بقه فخر بقه صخام اليوم يسوني امراه ايله للسقوط

وصار الليل واني كنت اقره ادعيه واسئل ربي الستر يارب استرني بس هاي الليله
ماكو اغلى من الشرف يارب سهلها بس هاي الليله عيني واني هستوني جاي اغفها
وجان اسمع الي يمي يصيح كوتا بوكا هيباكا هيباكا اني فزيت صحت ياستار استر
خير شكو هيباكا شنو وره ساعه يالله افتهمت انه بكه قرصته وكام يصيح كلت شنو
هذا كيكي طلع عاد ارتاحيت اني كلت هذوله بوخه طلعوا عيني جان اغفه وانام

وبنص الليل نعم وبنص الليل وما ادراك ماذا حصل

نلتقي في الحلقه القادمه من سلسلة مذكراتي

ههههههههههههههههههههههههههههههههههههه
عاشت أيدك ياوردة على نقل مذكراتك خخخخ
شو صار بنص الليل
بأنتظار الحلقة الثانية على أحر من الجمر
تحياتي

ظليت كاعد اتفرج كلت هسه يخلص واروح بس الحقير طول واني ما اكدر اعوفهم
كلت اخاف تتطور الشغله ويفوتني الفلم حتى اشتريت شاميه وبيبسي وكعدت اتفرج
هسه لا هاي بنت العشاير تكله كافي حلكي تعب ولا هذاك ابن الزفره يكول كافي

خخخخخخخخخخ لك شنو هاي ههههههههههههههه

صدك شصار بنص الليل؟؟
لالالالالالا هع هع

عاشت ايدك حبحب ع التحشيش الخنفشاري

تحيـــــــــــاتي

» مذكرات نملة